Josu naiz, 21 urte ditut eta Ikusentzunezko Komunikazioan Lizentziatura egiten dihardut EHUn, azken kurtsoan. Ikasketekin bateragarriak izan zaizkidan beste saltsa batzuetan murgilduta ibili naiz tarte honetan.
DBH eta Batxilergoan ikastetxeko irratian aritu ondoren, Matrallako irrati librean programa bat izan nuen karrera hasieran. 2006-2007an Herri Irratia – Loyola Median hainbat tertuliatan parte hartu nuen, eta 2008ko uztailetik Euskadi Irratian parte hartzen dut, 3 astean behin, Amarauna saioan.
2006-2007an lehen lan-esperientzia izan nuen CodeSyntax enpresan, eta orain Ahotsak.com proiektuan elkarrizketa batzuk ari naiz egiten. Bestalde, 2006tik baita ere, Eibarko …eta kitto! astekarian zutabeak idazten ditut noizbehinka.
Lehen hezkuntza eta batxilergo bitartean hainbat literatur sari eman zizkidaten. Ikastetxeko urtekariaren erredakzio-taldean buru-belarri ibili nintzen 2003-2005 artean.
2005etik hona ahalegin handiak egin ditut Eibarko jaiak biziberritu nahian: kide naizen fanfarreatik, Koadrila Batzordea sortuz, nire koadrilatik edo GASTE Elkartea sortuz, besteak beste. Azkenaldian Errebal Plataforman nabil buru-belarri, etxe parean egin nahi duten merkatalguneak legeak bete ditzala eskatzeko.
